Barish vala pyaar

Nitish bahut dino se usko chup chup ke dekhta tha. Sanaya bhi uske ishare samjhti thi par nazarandaaz karti thi.. fir vo din ayaa..

Bahut hi khoobsurat din tha..ek educational trip tha BHEL haridwar ka.

Bus me Sanaya aage ki seat par beithi thi or Nitish dusri taraf piche ki seat par..purey raaste vo sanaya ko chup chup ke dekh rha tha..jese hi sanaya nazare uski taraf krti vo nazaren chura leta.

Aj bohat khoobsurat lag rhi thi sanaya shayad or fir pehli baar kahin bahar nikale the sath islie..aas paas itne log the par Nitish khoya hua tha sanaya ko dekhte hue..

Bus ruki, manzil aa gai thi..sb apne apne group me chale gaye..kuch jaldi hi informations ikkatha kar ke sb vapas Bus ki taraf chal pade..

Nitish mann me soch raha tha kash aaj baat karne ka moka mile jaye usse.

Vo upar vale se mana hi raha tha ki.. Jese khuda ne manjuri de di ho. Professor bole jab haridwar aa hi gaye to sham ki ganga aarti dekh kar chalenge.. ye baat sunte hi Nitish ese chehka mano jese usko thoda or moka mil gaya ho jeene ka. Sab ganga ghaat pohanch gaye.

Sham ke 4 baj gaye the. Professor bole jisko bhi jahan ghumna ho ghum kar 6 bje ganga aarti pe yahin milna. Sab nikal pade alag alag groups me…

Sanaya khade hokar sochne lagi ki nahi jayegi kahin, kitne bar to aai hai yha..or vahi seedion par beith gai. Dheere se usne pair ganga ke thande pani me daal die.. or ganga ka behta pani dekhne lagi.

Par Nitish dur khada usi ko dekh raha tha..uske mann me chal rha tha aaj baat krni hai. Vo hichkichate hue uske pas gaya or bola. Aap bhi chalo naa.!.sanaya ne kaha nahi me bahut bar aai hun bazar dekha hua hai yha ka… Main to pehli bar aya hun Nitish ne ek dum se bola….mujhe ghuma do?.. .sanaya, ne bina kuch jada kahe, khade hote hue kaha ok.. chalo.

Vo haridwar ka bazaar dekhne ke lie galion me chal die.. Dhup khili hui thi subha se par jese vo dono sath chalne lage achanak mosam badal gaya jese upar vale ka ishara ho.

Dhimi dhimi barish shuru ho gai. Nitish ne kaha ap bhig jaaoge kahin rukte hain…sanaya ne Nitish ki taraf nazar utha kr dekha..vo use bahut pyaar se dekh rha tha..

Hum bhig jayenge, sirf main nahi..or jor se muskuraane lagi. Or Nitish, maano beh gaya uski muskurahat me kuch palon ke lie..

Mujhe barish me bhigna bahut pasand hai or tumhe.?.sanaya ne shararati nazaron se uski taraf dekhte hue bola. Vo khush ho gaya, bola mere dil ki baat bol di aapne.

To fir chalen..? Sanaya ne kadam aage badate hue bola. Or Nitish piche piche chal dia uske..jese jese aage badte gaye vo baaten krti gai..

Sath ke baki log na jaane kahan chuut gaye..galiaara tang tha thoda..or bhid bhi. Chalte hue ek baar yunhi haathon ki ungliyan cchu gai un dono ki..ek ajab sa ehsaas daudhne laga dil me.. Ek bar fir se dhakka laga or sanaya uske kanddhe se takrai or fir Nitish ne hath pakad lia sanaya ka. Hath pakadte hi mano sanaya ko esa laga jese vo achanak mehfus ho gai hai. Or Nitish ehsaason ke samandar me doob gaya…

Sanaya ne use sara bazar dikhaya..par hath nhi choda. 2 ghante kese beete pata nahi chala or vo dono bahut aage nikal gaye..barish me bheege hue sanaya behad khubsoorat lag rhi thi. Or vo soch raha tha kaash use seene se laga le. Khayaalon me chalte ja rha tha..ki sanaya ki ghadi pe nazar gai or vo boli 6 baj gaye…!..hum pohanch nahi payenge vapas samay se.

Sanaya ne tezi se uska hath pakad lia..or bhagne ko bola. Vo ek dum se apne khwabon se bahar aaya or bola aap pareshan mat hoiye. Hum pohanch jayenge. Or tezi se hath pakad kar vapas aane lage..jab ghaat pohache to aarti shuru ho gai thi..aarti me shamil hokar sb vapasi ke lie Bus ki taraf jaane lage. Sanaya bhi aage badhne lagi.

Par Nitish ne piche se uska haath thaam lia. Sab log aage nikal gaye…sanaya ne bola.. kya hua hai chalo?..hum chuutt jatenge.

Par vo use dekhta raha..or fir achanak jane kese tez barish padne lagi..or vo dono bheegne lage sanaya uski aankhe padhne ki koshish kar rahi thi..par ek bar fir…

Usne bola chaloo?!

Abki baar Nitish bol pada.. Sanaya !main apko bahut chahta hun.jabse apko dekha hai, apko jana hai, Apka hi ho gaya hun..or aj apko chuu kar ehsaas hua ki aap vahi ho jiske lie main banaa hun… I..

I love you..!

Sanaya usko dekhti rahi..kuch bhi na bol paai.

Nitish kuch aage bada or sanaya ko bahon me bhar kar gale laga lia..barish or tez ho gai..

Ab puri tarah bhig gaye the vo dono andar mann tak.

Sanaya bhi tut gai uski bahon ke gheron me…10 min tak aankhen band kar ke kho gaye ehsaason me. Fir achanak se aankhe kholi or hasne lage..

Ab bhago Bus ka horn baj raha hai..sanaya hath pakdte hue boli…

Bhagte hue bus pakad hi li dono ne.

Or yahan se unki love story shuru hui.. !

8 thoughts on “Barish vala pyaar

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s