Barish vala pyaar 2

Yeh kahani mere dil ke bahut kareeb hai. Iss kahani me ek jhalli si ladaki hai or ek shaant sa ladka.

Ruhaan ek bahut shaant swabhav ka ladka hai, or suhaana ek mast molaa si beparvah si ladki. Ruhaan ko jada masti krna pasand nahi hai, or suhaana ko ghumna phirna bahut pasand hai.

Kahaani shuru hoti hai unki dosti se jo ki kisi common dost ne karai hoti hai vo bhi phone pe baat kar ke. Jabki dono ek hi institution me jaate the, par baat nahi ki kbhi, dheere dheere baaten hone lagi phone par sms par or ese vo ache dost ban gaye.

Class mein ek dusre ko dekhte the, kabhi aankhon aankhon mein ishaare kia kate the or kabhi yun hi muskuraate rehte.

Ruhaan jis din naa ataa suhaana bechein ho jati, padhne mein bhi mann nahi lagta tha. Bas yunhi dheere dheere dosti kab ek ehsaas mein badalne lagi pata nahi chal Raha tha.

Ek din kuch doston ne mil kar mussoorie jaane ka plan kia, Suhaana or Ruhaan ne bhi jaane ko haan kaha.

January ki thandi thandi subha thi or sabhi ne bike or scooty me hi jaane ka socha tha. Sab subha hi nikal gaye. Subha mosam thik tha dhoop khili thi dehradun ki vo subha bahut suhaani si thi, or suhaana ka mann bhi..!

Suhaana or Ruhaan ek sath ek bike me the or baki bhi ese hi bike or scooty me the. Jaate waqt dono ne bahut baaten ki or ek dusre ko itne kareeb se Pehli bar mehsus kiyaa.

Dheere dheere ek se dedh ghante mein vo sb mussoorie pahunch gaye. Vaha par ek khoobsurat choti hai ‘chaar dukaan’ vhan par bas do pahiyaa gaadi hi jaa sakti hai, isliye sab pohanch gaye, bahut unchai thi Suhaana ko darr laga or usne aakhen band kar li or Ruhaan ko kas kar pakad lia. Or vo sab uss unchai tak pohanch gaye vaha pe nazara bahut hi khoobsurat tha 4 dukaanen thi, ek church or bahut hi sundar lakadiyon ke ghar,or vahan se nichen dekhne par dehradun bahut sundar dikhai deta tha.

Vahan pahunch kar suhaana ko esa lagra tha koi sapna ho, badalon ke bich me khud ko mehsus kar rahe the vahan vo sab.

Ruhaan ne suhaana ka hath pakada or uske sath yunhi pedal tehlne laga..bahut hi khoobsurat raasta tha, itani shanti thi vahan or bahut hi sukun, kuch der tak to hath thame chalte rahe par kuch der baad ehsaas hua to hath chodkar chalne gaye baki dost ‘char dukaan’ pe chai-coffee ke lie beth gaye the. Suhaana or Ruhaan dono kafi aage tak nikal gaye un dono ke siva koi nhi dikh raha tha vahan. Dono ne ek dusre ko dekha shayad ek hi baat bolne ke lie,.. ‘ki aage nahi jaate’, dono ne ek dusre ko dekha hi tha ki achanak…..

Barish hone lagi or dono haste hue bhagne lage vapas..ek to itani thand upar se baarish…romantic to bahut tha par sardi me bhigna nahi chahte the or bhagte hue ‘char dukaan’ pahunch gaye thoda vaha ruk kar coffee le li sab unka hi intazaar kar rahe the.

Thodi hi der mein barish bhi ruk gai, pahaadon me baarish ese hi aati hai bin bulaaye…

Sabne kaha ab niche mall road chalte hain, or sb fir se apni apni bike me niche maal road aa gaye..Ruhaan ko bahut thand lagne gai barish se thand badh gai thi or bike chalana mushkil hora tha suhaana ko mehsus hua ki Ruhaan ko takleef hori hai thand se haath sun padh rahe the.

Mall road par ruk gaye sab or market dekhne lage tabi suhaana ne ruhaan ke lie leather gloves le lie taki jaate time Ruhaan ke haath sun naa padhe. Market ghumte hue sabko bhuk lagi thi, ek restaurant me sabne khana khaya or bahar aa kar ice-cream… Thand mein ice-cream khane ka maza hi kuch or hota hai..ruhaan ne suhaana ke lie ice-cream li par khud ke lie nahi, or ek hi ice-cream se sath khane ka moka mil gaya suhaana ko.

Fir sab vapas jane ko nikal gaye.. Suhaana ne gloves Ruhaan ko die or bola pehan lo. Ruhaan uski taraf dekhta raha or sochne laga isko kese mehsus hua k muje thand me takleef hui thi..Or kaha tum kya pehnoge?, Usne kaha tumhari Jacket ki pockets…! Ruhaan ne sharati nazron se suhaana ko dekha, Or muskuraate hue Gloves pehan lie. Or fir sabhi apni apni bike me vapas aane lage…kuch dur aaye hi the ki mosam fir badal gaya..or barish shuru ho gai.. Dono bhigne lage or thand badne lagi..bike ronkne ka kuch fayda nhi tha koi jagah nhi thi jaha ruk sake or sham bhi ho chali thi..thand me suhaana, Ruhaan ke kareeb ho gai or kas ke use pakad lia.

Achanak barish or tez ho gai. Par baarish me ab Ruhaan ko sukun mehsus ho raha tha. Ye suhaana ke pyaar ka jaadu tha jo ab Ruhaan pe asar kar raha tha.

Dono soch rahe the kash ye safar ye rasta khatam naa ho or vo yunhi ek dusre ke kareeb rahen.

Barish tez thi ab Ruhaan ko dekhne me dikkat ho rahi thi usne bike rok di or vo ek peidh ke niche khade ho gaye.

Dono ek dusre ko dekh rahe the or hawaa ka ek jhonka sa aya. Thand me dono ne hath pakad lie.

Suhaana khud ko rok na pai or Ruhaan ko gale laga lia. Ruhaan ne aankhe band kr li..kabhi nhi socha tha ki kisi ko gale lagaane me itna sukun hota hoga.

Kuch der vo dono ek dusre mein kho gaye achanak fir hawa ka jhonka aya..or unhe thand ka ehsaas hua..

Pyaar to unke bich tha par shayad ehsaas iss barish ne karaya tha…

Vo dono bhigte hue hi Dehradun pohanch gaye. Apne apne ghar jaate hue Ruhaan or suhaana bas ek meetha sa ehsaas le kar gaye jo unhe thand me iss bemosam barish me hua tha..Pyaar ka ehsaas, baarish ke sath!

One thought on “Barish vala pyaar 2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s